Bhoke na BBA

Na Mwandishi Wetu
Mwana aliyepewa Bendera ya Taifa kwenda kuiwakilisha Tanzania katika Shindano la Big Brother Africa Amplified, Bhoke Egina, 26, amerekodiwa akifanya ngono, tukio ambalo ni aibu nzito kwa Watanzania.

Bhoke, aliyetupwa nje ya shindano hilo Jumapili iliyopita, alifanya mapenzi waziwazi na aliyekuwa mshiriki wa Uganda, Ernest Wasake, 28, wakiwa kwenye shindano hilo huku wakirekodiwa na kamera za BBA.

Video hiyo ambayo inasambazwa mtandaoni kwa fujo hivi sasa, inamuonesha Bhoke ambaye ni mtangazaji maarufu Bongo na Ernest, wakiwa wamejifunika shuka nzito, lakini ndani yake wanacheza ‘sanaa ya kikubwa’. Kamera haziongopi!

Bhoke, katika tukio lingine, aliwafedhehesha Watanzania kwa kufanya mapenzi na Ernest kwenye jakuzi, wakati ambao washiriki wengine walikuwa wanawazunguka na kushuhudia mchezo wote.

ANAWEZA KUREKODI MKANDA MCHAFU?
Bhoke na Ernest baada ya kuzama kwenye penzi zito, walitungiwa jina la utani la EBhok lakini vitendo ambavyo walikuwa wakivifanya mjengoni, vimefanya watoa maoni mtandaoni kuhoji yafuatayo;

MOSI: Bhoke alijua kuna kamera kila eneo ndani ya mjengo wa BBA, je, alifanya mapenzi na Ernest kitandani mjengoni ili kuionesha dunia kwamba anayaweza?
PILI: Alitaka kuifanya dunia iamini kwamba mabinti wa Kitanzania wana ‘mzuka wa ajabu’ na kwamba wakijisikia wanaweza ‘kuduu’ sehemu yoyote?

TATU: Kwa kitendo cha kufanya mapenzi kwenye jakuzi mbele ya washiriki wenzake na kamera kwa ajili ya kuwania dola 200,000 za BBA (zaidi ya shilingi milioni 310), je, akipewa donge nono anaweza kurekodi mkanda mchafu?

NNE: BBA, washiriki huingia mjengoni na kila mmoja kucheza anavyoweza ili akiwavutia watazamaji, wampigie kura ashinde. Je, yeye aliona staili ya kuusaka ushindi ni kufanya ngono kweupe huku dunia ikishuhudia moja kwa moja?

HUKUMU YAO SIKU YA 35
Bhoke, walidumu mjengoni kwa siku 35 kabla ya wapenzi hao kutolewa mjengoni siku moja.
Big Brother alianza kumtangaza Bhoke kuwa anatoka, hivyo akawa mshiriki wa nne kutupwa nje na muda mchache baadaye, Ernest alifungashwa virago, hivyo kuwa wa tano kuaga tangu shindano hilo lilipoanza Mei Mosi, mwaka huu.

MASKINI TANZANIA
Bhoke ni fedheha nyingine kwa Tanzania, kwani Mbongo mwingine aliyeshiriki BBA Amplified mwaka huu, Lotus Kyamba alikuwa wa pili kufukuzwa mjengoni baada ya kumpiga makofi, Clayton Misoya ‘Luclay’ wa Afrika Kusini.